Trump kundër emigrantëve: Po e helmojnë gjakun e vendit

Keystone EPA/ANNA MONEYMAKER / POOL

Donald Trump ka mbajtur sërish një qëndrim të ashpër përballë emigrantëve. Në një takim në New Hampshire, ai tha se amerikanët do duhet të ngrihen në protestë pasi emigrantët po “helmojnë gjakun e vendit tonë”.

“Po helmojnë gjakun e vendit tonë. Kjo është ajo që ata kanë bërë”, tha Trump para turmës.

Kjo nuk është hera e parë që Trump përdor këtë gjuhë përballë emigrantëve. Aso kohe presidenti aktual Joe Bide tha se kjo është një gjuhë që s’duhet lejuar të përdoret.

“Trump foli kohët e fundit se: ‘Gjaku i Amerikës po helmohet’… Përsëri, i bën jehonë të njëjtave fraza të përdorura në Gjermaninë naziste”, tha Biden në atë kohë.

CNN ka raportuar se nëse ish-presidenti fiton sërish në vitin 2024, ai planifikon të zgjerojë politikat e vijës së ashpër të imigracionit siç bëri në mandatin e tij të parë. Planet e tij thuhet se përfshijnë vendosjen e emigrantëve pa dokumente që tashmë jetojnë në SHBA në kampe ndalimi, me qëllim për t’i dëbuar në fund