Lajme

Trump: Numri i vdekjeve në SHBA ka mundur të shkojë në 4 milionë

Në Shtetet e Bashkuara të Amerikës numri i vdekjeve nga Covid-19 ka kaluar 120 mijë.

Dhe tani, presidenti Donald Trump ka thënë se totali “mund të arrijë deri në 150 [mijë]” ose më shumë.

Por, në të njëjtën intervistë me kanalin televiziv Spectrum News, ai tha “ne do të kishim humbur dy milionë deri në katër milionë”.

Një raport nga Imperial College London më 16 mars thoshte se numri i viktimave në Amerikë mund të shkojë në 2.2 milionë.

Edhe pse numri i rasteve të reja po bie në disa pjesë të SHBA-së, ai është akoma në rritje në 23 shtete – përfshirë Kaliforninë, Teksasin dhe Floridën, përcjell Albinfo.ch.