Portrete të firmave
Tryezë e rrumbullakët dhe drekë biznesi me Swissalbs: Kokat prapa shkollës profesionale Libs
Christian Villiger, drejtor menaxhues i shkollës «Libs», ka folur për punën e kësaj shkolle profesionale në Zvicër
Nuk ishte “Ditë me dyer të hapura” e as koha e diplomimeve por ekipi i «Libs» mirëpriti me ngrohtësi mysafirët nga shoqata swissalbs, në njërën nga gjashtë qendrat për përgatitje prefesionale të nxënësve në Cyrih.
Kati i parafundit i kësaj qendre të përgatitjes profesionale ishte rezervuar për ndërmarrësit zviceranë-shqiptarë.
Para se t’u adresohet mysafirëve nikoqiri, Christian Villiger, drejtor menaxhues i shkollës «Libs», para ndërmarrësëve është paraqitur Perparim Avdili, i cili ka folur për organizatën swissalbs dhe qëllimin e kësa tryeze të rrumbullakët, të fundit për këtë vit para Ballos së Ndërmarrësve Shqiptarë të Zvicrës, që mbahet më 23 shtator në Kongresshaus Cyrih.
Villinger tha krejt në fillim se është mik i shqiptarëve, për këtë arsye edhe është pjesë e bordit të Swissalbs.
Shkolla për përgatitje profesionale të nxënësve për sektorët idustrial «Libs» është themeluar në vitin 1996 dhe operon në 6 qendra në Zvicër.
Aktualisht janë 1100 nëxnës në «Libs» që do t’i bashkohen shumë shpejt fuqisë punëtore, sidomos në korporata të mëdha industriale, apo edhe do të vazhdojnë tutje shkollimin e tyre profesional.
«Sistemi dual i shkollimit është e vetmja rrugë e sigurt nëpër të cilën kam kaluar edhe unë”, tha Villiger, duke folur për përparësitë që kanë shkollat profesionale.
«Libs» rekruton profesionistë për 500 kompani, në mesin e tyre dhe për Hitachi Energy.
Arben Shabani, menaxher i lartë në Hitachi Energy, është shprehur i kënaqur me përgatitjen profesionale që përfitojnë nxënësit që më pas me përvojën e tyre madje njihen edhe si menaxherë të suksesshëm në këtë kompani.
Ndërmarrësit zviceranë-shqiptarë të mbledhur të enjten në «Libs» në Cyrih kanë vizituar të gjitha klasat, ku nga vetë nxënësit janë njoftuar me përgatitjet e tyre për të menaxhuar me makineri të korporatave të mëdha industriale.
Makineritë 3D deri te robotët nxënësit perfeksionojnë njohuritë e tyre në këtë shkollë profesionale.
Nxënësit e “LIBS” kishin krijuar një model rakete, e cila mund të fluturojë e dirigjuar nga kamera dhe sensorë të integruar. Pastaj, para të pranishmëve kanë prezantuar edhe një e-skuter që ishte ndërtuar nga vetë nxënësit që u treguan entuziastë dhe ishin në gjendje të zhvillonin pasionin e tyre për teknologjinë industriale.
Rreth Swissalbs
swissalbs është një organizatë jofitimprurëse. Ajo synon të krijojë një klimë themeluesish në mesin e komunitetit shqiptar në Zvicër dhe të zgjojë frymën pioniere. Kjo është mënyra e vetme për të krijuar një kulturë të marrjes së rrezikut dhe sipërmarrjes. Kështu përfitohet nga një rrjet i fortë me rreth 650 sipërmarrës, krijues të ndryshimeve dhe drejtues të lartë dhe mund të lindë frymëzimi nga personalitete të ndryshme.
Me këtë seri ngjarjesh, swissalbs hap dyert për anëtarët e saj, në mënyrë që të krijohet mundësia unike për të krijuar dhe përdorur rrjete të synuara dhe potencial sinergjik.
Më shumë fotografi të realizuara nga Fiona Murtaj:
Të tjera nga Portrete të firmave
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma edhe pse ka shpenzuar paratë e veta Zyra e kompensimit i kishte refuzuar kërkesën sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf