Turistët e huaj kanë shpenzuar 16 miliardë franga

Sektori i turizmit në Zvicër ka vazhduar të rritet vitin e kaluar, duke shënuar rritje në të ardhurat nga turistët e huaj që kanë shpenzuar 16 miliardë franga, apo 2.7 për qind më shumë se në vitin 2013, njofton Zyra Federale e Statistikave.

Nga ana tjetër, qytetarët e Zvicrës në udhëtimet e tyre jashtë vendit kanë shpenzuar 15.7 miliardë franga. Bëhet fjalë për 4.7 për qind më shumë dhe, në fakt, kjo është shkalla më e lartë e regjistruar ndonjëherë, përcjell albinfo.ch.

Trendet e këtilla rezultojnë me një rënie prej 287 milionë frangash në bilancin e turizmit, por megjithatë ka mbetur pozitiv për 295 milionë franga.