Lajme

Turqia godet 47 vende të lidhura me grupin që dyshohet se bëri sulmin terrorist në Ankara

E enjte, 24 Tetor 2024 - 20:20 albinfo.ch
@unsplash

Forcat turke goditën 47 vende të lidhura me grupin militant kurd, Partinë e Punëtorëve të Kurdistanit (PKK), në Irak dhe Siri.

Sipas AP, 29 lokacione u goditën në Irak dhe 18 në Siri, dhe sulmet ndaj objektivave të PKK-së, të cilat Ankaraja i cilësoi si organizatë terroriste, pasuan sulmin terrorist në Ankara në objektet e Industrisë së Aviacionit Turk (TAI), në të cilin pesë persona u vranë dhe 22 u plagosën.

Presidenti turk, Rexhep Tajip Erdogan, tha se ky sulm terrorist forcoi vendosmërinë e Ankarasë për të eliminuar terrorizmin.

Autorët e sulmit në Ankara janë ndoshta anëtarë të PKK-së, tha më herët ministri i Brendshëm, Ali Jerlikaya.

Dy terroristët që kryen sulmin, njëra prej të cilëve grua, u eliminuan, njoftoi Jerlikaya.

 

 Të tjera nga Lajme

Shërbimet hekurudhore në Lucern janë të kufizuara ndjeshëm për shkak të një linje të dëmtuar

 E-Diaspora

 Jeta në Zvicër