UEFA shmang përballjet politike të Kosovës

Ndërkohë, UEFA gjithashtu ka bërë të ditur se vendimi se në cilin grup do të jetë Kosova do të merret brenda dhjetë ditësh

EPA/ARMANDO BABANI

UEFA edhe zyrtarisht ka konfirmuar se dy skuadra kosovare do të marrin pjesë edicionin e ardhshëm në garat ndërkombëtare. Kampioni do të jetë në kualifikimet për Ligën e Kampionëve, derisa fituesi i Kupës në atë për Ligën e Evropës, shkruan albinfo.ch.

UEFA ka krijuar një ekip që vlerëson se cilat shtete mund të mos dëshirojnë të luajnë me Kosovën dhe ka theksuar se një nga to është padyshim Serbia. “Ne gjithmonë duhet të marrim masa për të parandaluar përplasje të mundshme”, ka thënë udhëheqësi i detyrës së sekretarit të përgjithshëm Theodore Theodoridis. “Një nga to është Serbia, por kemi çështje tjera ku mund të ketë probleme”.

UEFA më parë kishte marrë masa të ngjashme edhe për Spanjën dhe Gjibraltarin, Rusinë dhe Gjeorgjinë, Azerbajxhanin dhe Armeninë, skuadrat e të cilëve nuk u përballën mes vete.

Ndërkohë, UEFA gjithashtu ka bërë të ditur se vendimi se në cilin grup do të jetë Kosova do të merret brenda dhjetë ditësh.