Ueli Maurer njofton dorëheqjen nga Qeveria Federale

Ai thotë se e ka marrë vendimin për dorëheqjen në verën e kaluar dhe se tashmë kishte njoftuar familjen e tij për vendimin

Sot, të premten pasdite, Ueli Mauer ka njoftuar dorëheqjen e tij për fund të vitit. Paralajmërimin e ka bërë në një konferencë për media të mbajtur në Bernë.

Ai me këtë rast ka thënë se e shikon me kënaqësi kohën e tij në Këshillin Federal. “Kam një kënaqësi të shkallës së caktuar” thotë Maurer, duke folur për kohën e tij në VBS (DSepartamentin e Mbrojtjes.

Ai thotë se është veçanërisht krenar për punën në fushën e IT-së: “Këtu jemi ndër më të mirët në botë sot”, ka shtuar ai.

Ndërsa për kohën si ministër i financave Maurer ka thënë se ishte një kohë intensive: “E menaxhuam mirë periudhën e Koronës. Jemi riorganizuar mirë”.

Ai thotë se e ka marrë vendimin për dorëheqjen në verën e kaluar dhe se tashmë kishte njoftuar familjen e tij për vendimin.

Politikani 71-vjeçar nuk thotë se çfarë do të bëjë më pas. “Kam shumë projekte. Dua t`i kthehem sërish identitetit tim personal”. Ai do të donte të ishte sërish “Ueli normal” në të ardhmen.

Ueli Maurer thotë se sigurisht që nuk dëshiron të komentojë për pasardhësin e tij. SVP së shpejti do të japë informacion në lidhje me një orar për pasardhësin. Për Maurer-in gjithashtu nuk ka rëndësi nëse do të jetë një grua apo një burrë: “Përderisa nuk është një “Ajo”, është mirë.”

---