Bota

Ukraina shpall gjendje lufte

E hënë, 26 Nëntor 2018 - 23:00 albinfo.ch

EPA/STEPAN FRANKO

Ukraina shpalli gjendje lufte, pas kapjes së tri anijeve të saj detare dhe 23 pjesëtarëve të ekuipazhit, të dielën nga Rusia.

Pas debateve të nxehta, ligjvënësit e mbështetën kërkesën e presidentit Petro Poroshenko për të sjellë në fuqi ligjin ushtarak, që do të zgjasë 30 ditë duke filluar nga 28 nëntori.

Autoritetet tani mund t’i kufizojnë tubimet publike dhe të sistemojnë mediat, shkruan REL, përcjell Albinfo.ch.

Përplasja detare e së dielës ndodhi jashtë brigjeve të Krimesë – gadishull i Ukrainës i aneksuar nga Rusia në vitin 2014.

Anijet e rojës bregdetare ruse hapën zjarr, përpara se forcat e saj speciale t’i sulmonin anijet e Ukrainës. Ndërmjet tre dhe gjashtë ukrainas u plagosën, shkruan REL, përcjell Albinfo.ch.

Ukraina tha se ky veprim ishte një “akt i agresionit” rus. Moska tha se anijet kishin hyrë ilegalisht në ujërat e saj.