Ulje e madhe e çmimeve të prodhimeve të importit

Ndërkohë që mallrat vendore kane pasur një ngritje të vogël çmimi, prej 0.1%, ato të importuara kanë qenë 4.7 për qind më të lira se një vit më parë

Në Zvicër, deri në fund të vitit të kaluar ka vazdhuar trendi i uljes së çmimeve, i filluar kryesisht nga forcimi i frangut, që ka ndodhr në janar të vitit që shkoi.

Kështu, çmimet gjatë dhjetorit të vitit 2015 kanë qenë mesatarsiht 1.3% më të ulëta se në dhjetorin e vitit 2014.

Zbritjet më të mëdha të çmimeve janë regjistruar te produktet si derivatet e naftës dhe artikujt ushqimorë, bën të ditur Zyra Federale për Statistikë. Marrë mesatarisht, mallrat zviceane kanë qenë më të lira për 0.5% në krahasim me vitin e kaluar ndërsa ato të huaja, te importuara, 3.8% më lirë.

Marrë në përgjithësi vitin 2015, ulja mesatare e çmimeve ishte 1.1%. Por kjo mesatare tregon se mallrat e vendit kanë shënuar një rritje të vogël çmimi, prej 0.1% ndërkohë që ato të importuara kanë qenë 4.7 për qind më të lira se një vit më parë.