Unioni i Bashkësive Islame Shqiptarë në Zvicër uron festën e Fitër Bajramit

Unioni i Bashkësive Islame Shqiptarë në Zvicër (UBISHZ) njofton komunitetin mysliman shqiptarë që jeton dhe vepron në Zvicër se dita e parë e Fitër Bajramit është nesër, respektivisht të premten më 15.06.2018, përcjell albinfo.ch.

Të nderuar vëllezër dhe motra

Fitër-Bajrami është një mundësi e madhe që në familjet tona të përhapim mëshirën, dashurinë, respektin dhe lumturinë. Le të jenë urimet tona gëzim i shpërndarë për njëri-tjetrin, për vëllezërit dhe motrat tona, për shokët dhe miqtë tanë.

Urimin e Bajramit të Ramazanit e përcjellim, në radhë të parë te myslimanët në Zvicër, pastaj për të gjithë ata myslimanë që jetojnë dhe veprojnë në shtetet fqinje, për myslimanët tanë shqiptarë në vendlindjet tona dhe për të gjithë botën mbarë myslimane.

Allahu ynë na e mundësoftë që të jetojmë në paqe dhe dashuri! Edhe njëherë gëzimi dhe hareja qofshin me ju, me familjet dhe miqtë tuaj!

Me fat ju qoftë festa e Fitër – Bajramit!

Mehas Alija

UBISHZ