Universitetet zvicerane refuzojnë të pranojnë studentë nga Kina

Vasily Koloda @napr0tiv

Sipas ligjit, kinezët që bëjnë kërkime në universitetet perëndimore duhet t’i vënë njohuritë e tyre në dispozicion të shtetit – një fenomen i njohur si “spiunazh i njohurive”, përcjell albinfo.ch.

Për këtë arsye, universitetet zvicerane po ndjekin shembullin e vendosur nga BE-ja dhe po miratojnë sanksione ndaj studentëve të doktoraturës nga Kina, sipas një raporti të botuar në NZZ am Sonntag të dielën.

Shkolla të tilla, si Universiteti i Cyrihut dhe Instituti Federal Politeknik (ETHZ), po “bëhen shumë të kujdesshme” për pranimin e studentëve nga Kina dhe po bashkëpunojnë gjithnjë e më shumë me Shërbimin Federal të Inteligjencës për të siguruar që nuk ka rrjedhje njohurish nga universitetet e Zvicrës në qeverinë kineze.