Ushtria gjermane po tërheq gjithnjë e më shumë të rinj

(KEYSTONE/Gaetan Bally)

Në një kontekst gjeopolitik të tensionuar, ushtria gjermane (Bundeswehr) po tërheq gjithnjë e më shumë të rinj. Numri i vullnetarëve ka ardhur në rritje muajt e fundit, edhe pse Gjermania mbetet thellësisht e shënuar nga trashëgimia e saj pacifiste.

Që nga fillimi i vitit 2025, Bundeswehr ka regjistruar 13.750 rekrutë të rinj, që përfaqëson një rritje prej 28% krahasuar me të njëjtën periudhë të vitit të kaluar. Disa prej këtyre të rinjve synojnë një karrierë afatgjatë në ushtri, përtej shërbimit të zakonshëm ushtarak, ndërsa të tjerë, një numër në rritje me +15% këtë vit, dëshirojnë të angazhohen vetëm për një shërbim të vetëm ushtarak, transmeton albinfo.ch.

Sipas Bundeswehr-it, kjo rritje shpjegohet nga dy faktorë kryesorë:

Fushatat e shumta të komunikimit të ndërmarra vitet e fundit, që e paraqesin ushtrinë si një institucion modern, tërheqës dhe plot aventura.

Sipas një sondazhi të fundit të realizuar nga Instituti Forsa, 27% e popullsisë gjermane beson se Gjermania do të përballet me një sulm ushtarak brenda pesë viteve të ardhshme.

Megjithatë, përkundër këtyre shqetësimeve, Bundeswehr ende përballet me vështirësi për të mobilizuar më gjerë: vetëm 16% e të anketuarve janë të gatshëm të marrin armët për të mbrojtur vendin.