Ushtria shqiptare nuk u prek nga sulmet kibernetike

Ministri i Brendshëm i Shqipërisë, Niko Peleshi, njoftoi sot se sulmet kibernetike nuk kanë prekur në asnjë rast sistemet ushtarake, të cilat janë autonome.

Ai tha se pas agresionit rus në Ukrainë duhet të investojnë edhe më tepër e të forcohet siguria dhe mbrojtja kibernetike.

“Ne jemi të sulmuar dhe jemi duke u përballur me sulme serioze. Lajmi i i mirë është që të gjithë aleatët tanë kryesorë, SHBA dhe NATO, pjesë e së cilës jemi, janë bashkë me ne në këtë front të ri për kohën, por që do të jetë për shumë kohë një nga sfidat tona. Sistemet tona kibernetike ushtarake as herën e parë dhe as tani nuk janë prekur. Janë më se të mbrojtura, pasi janë më specifike, më të dedikuara dhe të shkëputura nga sistemet e tjera, pasi janë autonome. Kjo i bën që të jenë më të mbrojtura”, tha Peleshi, transmeton albinfo.ch.