Ushtria zvicerane merr pjesë në stërvitjen e NATO-s në Gjermani

(KEYSTONE/Gaetan Bally)

Ushtria zvicerane do të marrë pjesë në stërvitjen shumëkombëshe të NATO-s, “Tiger Meet” në Schleswig të Gjermanisë, deri më 13 qershor, raporton swissinfo.

Sipas njoftimit nga ushtria, kjo është një nga stërvitjet më të mëdha të operacioneve ajrore në Evropë, e cila zhvillohet çdo vit në një vend të ndryshëm.

Në Gjermani, pilotët e Forcave Ajrore Zvicerane do të përdorin katër avionë F/A-18 për të thelluar njohuritë dhe aftësitë e tyre në mbrojtjen ajrore ndërkufitare, transmeton albinfo.ch.

Gjithsej 50 anëtarë të forcave të armatosura zvicerane do të udhëtojnë në stërvitje dhe dhjetë vende me mbi 50 avionë luftarakë, dhjetë helikopterë dhe 1,500 persona po marrin pjesë në stërvitje.