Vajza kanadeze hedh karrigen nga kati i tridhjetë i një rrokaqielli

Pas transmetimit të një videoje në rrjetet sociale të një kanadeze të re, tashmë është shkaktuar një polemikë e ashpër

Të mërkurën, një grua e re është akuzuar për rrezikimin e jetës së të tjerëve dhe mund të përballet me burg për hedhjen e dy karrigeve në drejtim të një autostrade në Toronto, njëra nga më të frekuentuarat në Kanada, nga kati i 30-të i një rrokaqielli, shkruajnë mediat e huaja, informon Albinfo.ch.

Marcella Z., një grua 19-vjeçare kanadeze, ka shkuar personalisht në polici, e cila ishte në kërkim të saj pas polemikave mbi veprimin e saj – i cili ka ndodhur të shtunën – pas transmetimit në rrjete sociale të një videoje të filmuar nga një person tjetër që ishte me të.

Ajo rrezikon burgim, veçanërisht për rrezikimin e jetës së të tjerëve, informon Albinfo.ch.

Ajo përballet me tre akuza dhe ishte planifikuar që të mërkurën të paraqitej përpara një gjyqtari kanadez, për padinë e saj zyrtare.

Për fat të mirë, askush nuk është plagosur dhe asnjë automjet në këtë autostradë të frekuentuar në qendër të qytetit të Torontos, nuk është dëmtua, kanë thënë nga policia.

Karriget dhe objektet e tjera u hodhën nga kati i 30-të i njërës prej shumë ndërtesave të larta që gjenden në kufi me Liqenin Ontario, informon Albinfo.ch. Karriget kanë rënë në trotuar. Sipas shtypit lokal, vajza e re më herët kishte një dosje penale.

 

Someone took a video of a chair being thrown off a #Toronto condo building pic.twitter.com/fylo70gLu0

— blogTO (@blogTO) February 11, 2019

---