Vajzat e arta të Kosovës, kthehen sot

Qeveria e Kosovës: Vajzat e arta kthehen sonte, ju ftojmë në festën e madhe

Theksohet se këtë të hënë në Prishtinë do të arrijë ekipi i xhudistëve nga Kosova, të cilët ishin pjesëmarrës në Lojërat Olimpike në Tokio, përcjell albinfo.ch.

Thuhet se për nder të rezultateve të arritura në Kosovë do të organizohet pritje shtetërore për ta.

Qeveria e Kosovës u ka bërë thirrje të gjithë qytetarëve që të marrin pjesë në festën e organizuar për ta në orët e mbrëmjes.

“Pas triumfit historik në Tokio, vajzat e arta sonte kthehen në Kosovë. Ju ftojmë në festën e madhe të fitores, në orën 20:30, në sheshin “Zahir Pajaziti” në Prishtinë”, thuhet në një njoftim në faqen zyrtare të Qeverisë së Kosovës, në Facebook.

---