Valë e re shkurtime punësimi në Zvicër

Helvetia Baloise paralajmëron shkurtime masive të vendeve të punës në Zvicër

Grupi i sigurimeve Helvetia Baloise ka njoftuar se do të eliminojë nga 1,400 deri në 1,800 vende pune në Zvicër gjatë tre viteve të ardhshme, pas bashkimit të realizuar këtë muaj, në të cilin Helvetia bleu kompaninë Baloise, përcjell albinfo.ch.

Njoftimi i së mërkurës vjen vetëm pak ditë pasi një tjetër gjigant zviceran, UBS, paralajmëroi se do të shkurtojë 3,000 vende pune në Zvicër, pjesë e integrimit të ish-konkurrentit Credit Suisse, të blerë në vitin 2023.

Shkurtimet e paralajmëruara nga Helvetia Baloise pritet të rrisin më tej numrin e vendeve të humbura të punës në Zvicër në vitin 2026 dhe më pas.

---