“Van Damme”, arrestohen katër persona

Policia e Kosovës arreston një person të dyshuar për veprimtari ekstremiste. Në aksionin e koduar “Van Damme” janë arrestuar edhe tre persona tjerë në Itali

Foto ilustrim

Policia e Kosovës ka arrestimin e qytetarë në Hani të Elezit (S.I) nënë dyshimin se ka marr pjesë në konflikte të armatosura jashtë territorit të vendit. Operacioni i koduar me emrin “Van Damme”, dhe është realizuar nga sektori Kundër Terrorizmit në bashkëpunim me forcat speciale të rajonit të Brescias në Itali.

Luan Keka, nga Drejtoria kundër Terrorizmit ka thënë se, personi i arrestuar të martën është i moshës rreth 44-vjeçare dhe – sipas hetimeve, – ai nuk ka udhëtuar asnjëherë deri tani në Siri apo Irak, por nxitjen për terrorizëm e ka kryer pa shkuar atje.

“Kushdo që në mënyrë publike, në tubim ose me anë të shkrimeve, xhirimeve audiovizuele, duke përfshirë dhe mos u kufizuar edhe në rrjetet sociale ose në çfarëdo forme tjetër të komunikimit, thërret ose nxit të tjerët për kryerjen e veprave penale të përcaktuara në paragrafët 1, 2 dhe 3 të këtij neni”, konsideron Policia e Kosovës.

Sipas komunikatës së Policisë, gjatë zbatimit të urdhër kontrollit janë sekuestruar në cilësinë e provave materiale dy armë zjarri, një revole dhe një pushkë e tipit karabinë, si dhe disa pajisje elektronike dhe gjësende tjera, që mund të ndërlidhen me rastin.

“Ky operacion është një tregues se bashkëpunimi ndërkombëtar është i domosdoshëm në luftën kundër terrorizmit si dhe çelës i suksesit në hetime më efektive, andaj Polica e Kosovës është e hapur për bashkëpunim edhe në të ardhmen me cilindo shtet në luftën kundër terrorizmit dhe të gjitha formave tjera të krimit”, thuhet në komunikatë.

Policia e Kosovës përmes këtij njoftimi publik, ka apeluar tek të gjithë qytetarët që të mos bien pre e thirrjeve, propagandimeve dhe mashtrimeve të tilla për përfshirje në raste të terrorizmit, njëkohësisht për raste të kësaj natyre ta informojnë Policinë e Kosovës.

Por, Policia e Kosovës  nuk tregon se cili ka qenë aktiviteti i kësaj kosovari në Itali. Por mediat shqiptare thonë se edhe tre persona të tjerë janë arrestuar në Itali, pasi që kanë propaganduar luftë fetare. Madje disa media këtët e kanë lidhur edhe me ndonjë aksion kundër Papës.