Vazhdojnë të shtënat nëpër dasma, vazhdojnë arrestimet

Në Kosovë po vazhdon tradita e gjuajtjeve me armë në ahengje të ndryshme familjare

Tradita e gjuajtjeve nëpër dasma po vazhdon me të madhe në Kosovë, dhe përkundër arrestimeve nuk po ndalet.

Së fundi është arrestuar një person, pasi kishte shtënë në dasmë, ka raportuar Policia e Kosovës, përcjell albinfo.ch.

Ngjarja kishte ndodhur në fshatin Kërpimeh të Podujevës, kur një person, gjatë një ahengu familjar kishte shtënë në ajër.

Më pas, policia ka konfiskuar armën me të cilën ishte shtënë, një AK-47, ndërsa të dyshuarin e kishte arrestuar. Por, pas intervestimit me vendim të prokurorit ai është liruar në procedurë të rregullt.