Rënie e shkallës së papunësisë në Zvicër

Në fund të tetorit, 21,7 për qind më pak njerëz u regjistruan si të papunë në Zvicër se sa në të njëjtën periudhë të vitit 2020, sipas Sekretariatit Zviceran për Çështjet Ekonomike (SECO).

Dhe, midis shtatorit dhe tetorit të këtij viti shkalla e përgjithshme e papunësisë ra nga 2.6 në 2.5 për qind, shkruan The Local, përcjell albinfo.ch.

Në aspektin rajonal, Gjeneva ka shkallën më të lartë të papunësisë në Zvicër (4.6 për qind), e ndjekur nga afër nga Jura (4.4 për qind), së bashku me Neuchâtel dhe Vaud (3.6).

Papunësia më e ulët, sipas SECO, është në kantonet rurale të Appenzell Innerrhoden (0.5 për qind), Uri dhe Schwyz (0.8 për qind).