Sporte Luftarake
Vëllezërit Musa, të suksesshëm në Kampionatin Zviceran të Karatesë
Në kampionatin Botëror dy vëllezërit kanë vendosur të paraqiten me shtetësi kosovare ku do të mbrojnë ngjyrat e Kosovës
Të dielën, më 27 nëntor, në Sursee të Kantonit të Lucern-it është mbajtur Kampionati i Zvicres për sportin marcial Karate. Në këtë garë të nivelit nacional morën pjesë edhe dy vëllezër, Lorik dhe Lorian Musa, nga Kantoni Valis.
Loriani, fitues i dy ndeshjeve të para në kategorinë MALE U 14 humbi në raundin e tretë, kur kundërshtari i tij shënon një pikë epërsie në momentet e fundit dhe kjo e bën që të humbë vendin e parë dhe të dytë. Por ai kualifikohet si i treti në Champion Suisse Karate.
Ndërsa Loriku, kampion i shumëfishtë në gara të ndryshme kantonale të Zvicres, në vitin 2021 i treti në Champion Suisse në karate kësaj radhe për kundërshtar pati Del Medico Nicola. Ndonëse Loriku fitoi 2 me 0, ai në sekondën e fundit para se ndeshja të përfundonte, në vetëmbrojtje nxori këmben nga “tatami” dhe kjo sipas rregullores së karatesë e bën të humbë të drejten për finale, pavarësisht duelit mahnitës që ofroi para të pranishmëve.
Vlen të theksohet se të dy vëllezërit, Loriku dhe Loriani, në kategorin U16 dhe U14 janë seleksionuar për Kampionatin Botëror të karates që do të mbahet në Venedik të Italisë.
Në Kampionatin Botëror dy vëllezërit kanë vendosur të paraqiten me shtetësi kosovare, ku do të mbrojnë ngjyrat e flamurit të atdheut të tyre (Kosovës).
Të ngjashme
Të tjera nga Sporte Luftarake
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër