Sport
Vëllezërit Sahiti mendojnë për Kosovën
Pranimi i Kosovës në UEFA ka bërë bujë edhe në Maqedoni, ku vëllezërit Suad dhe Ermir Sahiti kanë ndryshuar mendimin në lidhje me të ardhmen e tyre
Dy vëllezërit nga Kosova Suad dhe Emir Sahiti, të cilët luajnë në Maqedoni me skuadrën e Rabotniçkit, kanë komentuar pranimin e Kosovës në UEFA, shkruan albinfo.ch.
Pak muaj më parë, Suadi, i cili është më i madhi në moshë ka pranuar të luajë për skuadrën e Maqedonisë, ndërsa Emiri ka shprehur dëshirën për të luajtur me kombëtaren kuqezi. Më herët, dy vëllezërit kanë shfaqur interesin edhe të Skënderbeut, por pranimi i Kosovës në UEFA të martën e kaluar, duket se ka ndryshuar planet e tyre. “Arsyeja se pse pranova ftesën e Maqedonisë ka qenë se Kosova nuk më kishte ftuar asnjëherë.
Mirëpo, tash kur ajo u pranua në UEFA nuk e di se a do të më ftojnë apo jo. Nëse me ftojnë do të shkoj dhe do të bisedoj. Deri atëherë, vendimi nuk ndryshon dhe do të vazhdoj të luaj për Maqedoninë edhe pse realisht pasaporta akoma është në procedurë dhe nuk e kam marr ende. Sa i përket pranimit të Kosovës, normal që jam i gëzuar shumë dhe është një ndjenjë e mirë që shteti im të jetë pjesë e kualifikimeve për Evropian dhe dashtë Zoti edhe për Botëror”, deklaroi Suadi për “koha.mk”, përcjell albinfo.ch.
Ndërsa 17-vjeçari Emiri duket i vendosur në zgjedhjen e tij për të luajtur një ditë për kuqezinjtë.
“Tash për tash nuk mendoj të ndryshoj vendimin që kam marr. Pra, dëshira ime është që të luaj për Shqipërinë, ndërsa nuk e di se çfarë mund të sjell e ardhmja. Shpresoj që sa më shpejtë të marr edhe pasaportën dhe të mund të luajë për kuqezinjtë. Ndryshe, pranimi i Kosovës në UEFA ka qenë një lajm shumë i mirë për mua dhe uroj që me hapa të sigurt të ec drejt sukseseve të Kombëtares së Shqipërisë”, tha ai .
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
Pritet trafik i rënduar gjatë majit në Zvicër USTRA paralajmëron trafik të rënduar gjatë pushimeve, veçanërisht në autostradat A2 dhe A13, duke ju këshilluar...
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit