Vërshimet në Gjermani, rritet bilanci në 133 viktima

LucyKaef Deutsch

Mediat gjermane shkrujanë se ka kaluar në 133 numri i viktimave nga ajo që konsiderohet përmbytja e shekullit në Gjermani. Sipas policisë 43 njerëz vdiqën në Nordrhein-Westfalen dhe 90 në Rheinland-Pfalz, përcjell albinfo.ch.

Thuhet se situata në Erftstadt-Blessem pranë Këlnit u përkeqësua në mënyrë dramatike të premten. Rritet frika për viktima të tjera. Administratori i Qarkut Frank Rock (CDU) tha se rryma erdhi shumë shpejt.

Në rrethin e Heinsberg, një digë në Rur është thyer. Sipas informacionit nga qeveria e rrethit të Këlnit, punëtorët e shpëtimit kanë filluar të evakuojnë rrethin e Ophoven në Wasserberg.

Nga mesazhet përmes “Twitter”, mësohet se rreth 700 banorë janë prekur. Shkalla e dëmit të shkaktuar nga prishja e digës nuk dihet ende. Policia ka raportuar gjithsej 618 lëndime. Mbi 100,000 njerëz janë pa energji elektrike. Raportet tregojnë se 362 njerëz janë plagosur në rrethin Ahrweiler.