Vetëm nëntë minuta për Shaqirin

Kestone

Nëntë minuta: Kjo është koha e aktivizimit të Xherdan Shaqirit me Liverpoolin, që nga fillimi i sezonit në Premier Ligë. Një kohë e lojës që paraqet sfidë të madhe për te.

Sikurse të hënën në përballjen kundër Crystal Palace në Londër, edhe kësaj të shtune futbollisti shqiptar nuk u largua nga pankina e rezervistëve nga radhët e “Të Kuqëve”, në fitoren minimale ndaj Brighton në Anfield Road, që Liverpooli e fitoi me rezultat 1:0.

Një sukses i merituar, duke iu falënderuar golit të Mohamed Salah në minutën 23`. Një sukses, megjithatë, shumë i mundimshëm dhe që ende bën kurioze stërvitjet e Jürgen Klopp.

Trajneri i “Reds” ka aktivizuar tashmë Jordan Henderson, Daniel Sturridge dhe Joel Matip në fushën e gjelbër, por jo edhe Xherdan Shaqirin i cili paraprakisht kishte shkëlqyer në ndeshjet miqësore para fillimit të sezonit, përcfjell Albinfo.ch.

Tani për tani, ylli shqiptar i Përfaqësueses zvicerane, është dashur të pajtohet me aktivizimin e tij në minutën 82, më 12 gusht, në ndeshjen kundër West Hamit që përfundoi me rezultat 4:0 për Liverpoolin.