Vijnë në Shqipëri me biçikleta nga Zvicra dhe Spanja

Ata kanë kërkuar informacion për peizazhet natyrore që shtrihen përgjatë rrugës nga Korça drejt Tiranës dhe “Shoqata e Parqeve në Shqipëri” u ka sugjeruar Parkun Kombëtar “Shebenik – Jabllanicë”

Parku Kombëtar “Shebenik – Jabllanicë” ka qenë destinacioni i preferuar i dy prej Rojave Mjedisore (rangers), Marleen nga Zvicra dhe Serafin nga Spanja, që janë duke bërë një turne me biçikleta nëpër Shqipëri, ku kanë kërkuar dhe informacionin e nevojshëm për itineraret dhe parqet natyrore më të bukura të Shqipërisë.

Ata kanë kërkuar informacion për peizazhet natyrore që shtrihen përgjatë rrugës nga Korça drejt Tiranës dhe “Shoqata e Parqeve në Shqipëri” u ka sugjeruar Parkun Kombëtar “Shebenik – Jabllanicë”, përcjell albinfo.ch.

Në mëngjesin e ditës së djeshme ata u gjendën pranë zyrave të AdZM Elbasan, ku morën një informacion të detajuar rreth vlerave natyrore të parkut, u paraqitën në Qendrën e Vizitorëve në Fushë Studën dhe bënë një vizitë në park, duke ndjekur një shteg të shkurtër buzë liqenit të Fushë Studës.

Të kënaqur nga natyra e mrekullueshme e parkut, kanë vendosur të qëndrojnë këtu edhe sot për t’u njohur më mirë me vlerat natyrore të parkut. Natyra shqiptare çdo ditë e më tepër po tërheq vëmendjen e vizitorëve të huaj.

https://www.facebook.com/rapaelbasan/photos/pcb.2072109073067983/2072108453068045/?type=3&theater