Lajme
Viktima e aksidentit me Ferrari në Itali, një shqiptar nga Zvicra
Personi i vdekur ishte një 40 vjeçar nga Villeneuve, kantoni Vaud. Të shtunën në mbrëmje, DJ kishte performuar në një klub në kantonin e Valais
![](https://www.albinfo.ch/wp-content/uploads/2024/04/aksideenti-ferrari-539x396.jpg)
Një makinë e copëtuar, mbeturina të shpërndara dhe flakë disa metra e lartë: drejtuesit e mjeteve dhe punonjësit e parë panë një skenë të tmerrshme të dielën, pas një aksidenti në rrugën midis Ivrea dhe Santhia, në veri të Italisë.
Makina e aksidentit: një Ferrari GT C4 e bardhë, me regjistrim zviceran, transmeton albinfo.ch. Sipas mediave italiane, makina ka qenë së fundmi duke ngarë me mbi 200 km/h dhe pastaj ka rrëshqitur në rrugën e lagësht hyrëse duke u përplasur me parmakun në të majtë. Më në fund Ferrari ka shpërthyer në flakë. Çdo ndihmë ka ardhur tepër vonë për dy të ngujuarit në makinën e përfshirë nga flaka.
Sipas hulumtimeve të bëra nga gazeta Blick, personi i vdekur ishte Isa Q.* (40 vjeç) nga Villeneuve, kantoni Vaud. Të shtunën në mbrëmje – vetëm disa orë para vdekjes së tij – DJ kishte performuar në një klub në kantonin e Valais, më pas qe nisur për në Itali me makinën Ferrari.
Agim Q.* (41) konfirmon për gazetën se i vdekuri ishte vëllai i tij dhe se Ferrari i përkiste atij. Një pikëllim i madh për vdekjen e tij vërehet edhe në rrjetet sociale.
Vëllai Agim Q. nuk e di se si ka ndodhur aksidenti, kush ishte në timon dhe kush ishte viktima tjetër – një grua, sipas raportimeve të mediave italiane, përcjell albinfo.ch. “Për momentin nuk kemi marrë shumë informacion nga policia. Vëllai im tjetër, i cili jeton në Itali, tani kujdeset për të gjitha”. E tëra që ai di është se një test i ADN-së tani është në pritje.
Sipas raportimeve të mediave italiane, identifikimi i viktimave është i komplikuar pasi të vdekurit janë djegur keq. Ndërkohë, policia e Settimo Torinese ka kontaktuar disa të afërm dhe u ka kërkuar atyre që të ndihmojnë në identifikimin e të vdekurit përmes analizës së ADN-së.
Vetë vëllai sapo kishte mbërritur në Suedi me familjen e tij, por tani po udhëton për në Zvicër. “Ne duam të mbështesim gruan dhe fëmijët e tij. Ata janë në shtëpi në Zvicër”.
- (Emrat janë ndryshuar)
Të ngjashme
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n