Virusi Korona: Sa nxënës kanë mbetur në shtëpi

Tre të vdekurit e parë u njoftuan në Irak dhe një në Zvicër

Rreth 300 milionë nxënës në botë të privuar nga shkolla, mbyllja e bazilikës së Betlehemit, epidemia e COVID-19 ka rritur frikën në planet dhe po ndikon në ekonominë botërore, kryesisht në transportin ajror.

Itali, vatra e parë evropiane, që kaloi dje pragun e 100 të vdekur (107 të vdekur për 3 089 raste) ka mbyllur të gjitha shkollat dhe universitetet duke nisur nga sot deri më 15 mars.

Tre të vdekurit e parë u njoftuan në Irak dhe një në Zvicër, transmeton ATSH.

Në Korenë e Jugut, vatra e dytë e përhapjes së virusit, pas Kinës, (6 088 raste, 35 prej të cilëve kanë humbur jetën) pushimet janë shtyrë edhe për tre javë në shkolla, përcjell albinfo.ch.

Japonia ka dekretuar një ndalim për çdo person që vjen nga Kona dhe Koreja e Jugut, ndërkohë që Australia ka ndaluar hyrjen e të huajve që kanë qëndruar së fundi në Korenë e Jugut.

Tridhjetë e gjashtë vende kanë vendosur tashmë një ndalim të plotë në territoret e tyre për të ardhurit nga Koreja e Jugut”, sipas ministrisë koreano-jugore të Punëve të Jashtme.

Njëzet e dy vende të tjera kanë marrë masat e karantinës.

Tokio njoftoi gjithashtu shtyrjen e presidentit kinez, Xi Jinping parashikuar në pranverë.

---