Virusi Zika mund të infektojë 4 milionë njerëz

Organizata Botërore e Shëndetësisë (WHO) parashikon që nga virusi Zika, që është përhapur në gjithë Amerikën Veriore dhe Jugore, të infektohen mes tre dhe katër milionë njerëz, tha një ekspert i sëmundjeve infektive

Drejtori i Përgjithshëm i OBSH-së tha se statusi i përhapjes së një sëmundjeje nga pickimi i mushkonjave ka ndryshuar nga kërcënimi i moderuar në nivel alarmi, raporton AP, përcjell albinfo.ch

Marcos Espinal, një ekspert për sëmundjet infektive nga Zyra Rajonale e OBSH-së për Amerikë, ka thënë: “Ne presim se do të ketë 3 deri 4 milionë njerëz të infektuar nga virusi”.

Nuk ka vaksinë, e as trajtim për virusin, i cili është shumë i ngjashëm me ethet tropikale dhe shkakton ethe, skuqje dhe skuqjen e syve.

Është vlerësuar se 80 për qind e njerëzve, të cilët janë të infektuar, kanë simptoma që komplikojnë mundësinë që gratë shtatzëna të dinë nëse ato janë të infektuara me virus.

Drejtori i Përgjithshëm i OBSH-së, Margaret Chan, tha se organizata do të thërrasë një takim urgjent të hënën për të përcaktuar nivelin e reagimit ndërkombëtar, ngase shpërthim i virusit që është përhapur nga Brazili konsiderohet të shkaktojë dëme serioze në fetusin e grave shtatzëna.