Viza C, kusht për pasaportën zvicerane

Dhoma e Kantoneve po ashtu ka vendosur që të huajt duhet të kenë jetuar 8 vjet në Zvicër për të fituar shtetësinë dhe jo 12 sa është deri më tash.

Të huajt që duan të fitojnë shtetësinë e Zvicrës duhet që të kenë paraprakisht lejen e qëndrimit të përhershëm (Vizën C). Kjo është pjesa e ashpërsimit të ligjit për të cilin ka vendosur sot Dhoma e Kantoneve e Parlamentit të Zvicrës. Dhoma e Kantoneve po ashtu ka vendosur që të huajt duhet të kenë jetuar 8 vjet në Zvicër për të fituar shtetësinë dhe jo 12 sa është deri më tash.

Me këtë, dhoma në fjalë vihet kundër dhomës nacionale, e cila pati vendosur që kjo kohë të jetë dhjetë vjet.

Po ashtu edhe rreth shkallës së njohjes së gjuhëve të vendit si kusht për njohjen e shtetësisë zvicerane. Këshilli Nacional ka kërkuar që për këtë mjafton të kuptohet njëra nga gjuhët e vendit. Dhoma Nacionale e Parlamentit ndërkaq kërkon që ata të kuptohen me gojë dhe me shkrim.

Nga ana tjetër Dhoma e Kantoeve ende nuk ka marrë ndonjë qëndrim rreth kësaj pike.