Vizita e Scholz në Kosovë, në ballinat e mediave të huaja

Vizita e kancelarit gjerman në Kosovë u bë lajm edhe në mediat prestigjioze të huaja, njofton albinfo.ch.

Gazeta amerikane “The Washington Post” theks i vuri mesazhit të Scholz për dialogun Kosovë-Serbi.

“Scholzi i Gjermanisë e nxit Kosovën dhe Serbinë të angazhohen ndaj dialogut”, është titulli i saj. Kancelari gjerman i kërkoi Kosovës dhe Serbisë zotim të qartë ndaj arritjes së një zgjidhjeje të qëndrueshme politike për mosmarrëveshjen e tyre të gjatë mbi pavarësinë e Kosovës, vazhdon artikulli në këtë gazetë.

Ndërkaq, mediumi anglez “Reuters” e përqendroi theksin te dhënia e mbështetjes nga kancelari gjerman për anëtarësimin e Ballkanit Perëndimor në Bashkimin Europian.

“Kancelari gjerman, Olaf Scholz, premtoi të ndihmojë Ballkanin Perëndimor për të rigjallëruar fushatën e tyre të ngecur për një kohë të gjatë për anëtarësimin në Bashkimin Evropian, një veprim që synon të lehtësojë tensionet rajonale dhe të shmangë ndikimin e fuqive rivale, si Rusia”.

Lajme për ngjarjen kryesore në Prishtinë shkroi edhe Associated Press, Der Spiegel, The Independent, e media të tjera.