Vjenë: Sonte promovohet libri ‘Masakrat në Kosovë 1998 – 1999’

Libri “Masakrat në Kosovë 1998 – 1999” do të promovohet sonte në qendrën kulturore Brunnenpassage, në Vjenë, transmeton albinfo.ch.

Vlen të theksohet se ky libër është një publikim me vlerë dhe rëndësi të madhe shpirtërore e historike, pasi është libri i parë që në formë të përmbledhur pasqyron në mënyrë të detajuar 107 masakra dhe vrasje masive të kryera në Kosovë.

Autori i librit, Shkëlzen Gashi, ka përdorur burime nga organizatat prestigjioze ndërkombëtare për të drejtat e njeriut, gjykatat në Kosovë, Hagë e Serbi, si dhe raportimet në gazeta, revista, libra e monografi të ndryshme kredibile, të botuara brenda dhe jashtë vendit. Libri ilustrohet me 200 fotografi të fotografëve të njohur botërorë dhe është i përpiluar në shqip, serbisht dhe anglisht.

Ky libër është një homazh për viktimat dhe familjet e tyre, duke qenë një thirrje për drejtësi dhe kujtesë historike.

Ky aktivitet mbahet me rastin e 17 shkurtit, Ditës së Pavarësisë së Kosovës, si dhe shënon fillimin e vitit jubilar – 10-vjetorin e themelimit të Organizatës KÂ.

Promovimi i këtij libri është iniciuar nga Shkumbin Brestovci dhe është mbështetur nga Ministria e Punëve të Jashtme dhe Diasporës – Republika e Kosovës.

Ulëset janë të limituara, prandaj ju lutemi t’na informoni për pjesëmarrje deri me datë 10 Mars ’25 në [email protected].