Vjosa Osmani, një takim mbresëlënës me Ylfete Fanajn

Kryetaren e Parlamentit të Luzernit në Zvicër, Ylfete Fanajn, u.d. e presidentes, Osmani, e quajti "shembull i një politikaneje moderne"

Kryetarja e Parlamentit të Kosovës, njëherësh ushtruese detyre e presidentes së vendit, Vjosa Osmani, në kuadrin e vizitës së saj zyrtare në Zvicër, takoi edhe shqiptaren Ylfete Fanaj, kryetare e Parlamentit të Luzernit në Zvicër.

Ditën kur u zgjodh Ylfete Fanajn si kryesuese e Kuvendit në Kantonin e Luzernit në Zvicër, presidentja në detyrë, Vjosa Osmani, e uroi atë për postin e saj të arritur dhe vizita e saj nuk kishte si të shkonte pa e takuar edhe Ylfeten, një femër e suksesshme në fushën e politikës zvicerane, shkruan albinfo.ch.

Ditën kur znj. Ylfete Fanaj u zgjodh kryetare e Parlamentit të Luzernit e kur në Zvicër jehoi kënga “Moj e bukura More”, do ta mbajmë në mend si ditë të veçantë në kapitullin e sukseseve gjithnjë në rritje të mërgatës sonë, shkruan Vjosa Osmani.

Vjosa është shprehur se për të është kënaqësi e jashtëzakonshme të takohet me një zonjë të vertetë, sikurse është Ylfetja.

“Shembull i një politikaneje moderne, të zellshme e që me përulje kontribuon në përmirësimin dhe avancimin e politikave në Zvicër për të gjitha komunitetet pa përjashtim. Faleminderit për një bashkëbisedë të këndshme e shpresoj të kemi mundësinë që së shpejti të takohemi edhe në Kosovë, ka shkruar Vjosa në një postim të saj. /Albinfo.ch

---