Vokrri në paraburgim, goditi këmbësorin me pasqyrë të veturës

Fadil Vokrri dyshohet se gjatë ngasjes së veturës, kishte goditur me pasqyrën një kalimtar rasti. Ai është dërguar në mbajtje prej 48 orësh

Legjenda e futbollit kosovar dhe aktualisht kryetari i Federatës së Futbollit të Kosovës, Fadil Vokrri, është arrestuar nga Policia e Kosovës dhe është në mbajtje prej 48 orësh. Vokrri është arrestuar nën dyshimin se ka goditur me veturë një këmbësor dy javë më parë.

Vokrri dyshohet se gjatë ngasjes së veturës, kishte goditur me pasqyrën një kalimtar rasti, bëjnë të ditur burime brenda Prokurorisë Themelore të Prishtinës. Personi që kishte pësuar këtë goditje dy javë më parë, kishte paraqitur rastin në polici, duke identifikuar edhe ngasësin e veturës.

Në deklaratën e tij dhënë policisë, personi në fjalë kishte thënë se Vokrri kishte hezituar të ndalej dhe ishte larguar nga vendi i ngjarjes, citon Lajmi.net. Rasti është dërguar për procedurë të mëtejme në Prokurorinë Themelore të Prishtinës, dhe më të është duke u marrë prokurori Elez Blakaj