Vonesa të mëdha në aeroportet e Zvicrës

Pritje të gjata, si rezultat i kontrollimit të certifikatave të vaksinimit në aeroportet e Zvicrës

Ndërsa shumë vende kanë lehtësuar kufizimet e tyre të hyrjes, më shumë njerëz pritet të udhëtojnë jashtë vendit në javët e ardhshme, gjë që ka të ngjarë të rezultojë në radhë më të gjata në sportelet e check-in, transmeton albinfo.ch.

Vonesat shkaktohen nga kërkesa për të kontrolluar certifikatën e vaksinimit të çdo pasagjeri ose rezultatin negativ të testit, një detyrë që po ngadalëson procesin e regjistrimit në mënyrë të konsiderueshme.

Të dy aeroportet e Cyrihut dhe Gjenevës po këshillojnë pasagjerët të arrijnë ndërmjet dy dhe dy orë e gjysmë para nisjes për t’u siguruar që ata mund të hipin në fluturimin e tyre në kohë.

---