Votoi pro Kosovës në Asamblenë Parlamentare të KiE-së, kërcënohet deputeti boshnjak

Deputeti i Parlamentit të Bosnjë e Hercegovinës, Sasha Magazinoviq, i cili është edhe kryesues i delegacionit të BH-së në Asamblenë Parlamentare të Këshillit të Evropës, pasi ka votuar pro Kosovës, ka marrë kërcënime përmes rrjeteve sociale, përcjell albinfo.ch.

DANAS MRZE RIJEČIMA, SUTRA UBIJU ILI APLAUDIRAJU UBICI

Dijelim sa vama dio sadržaja koji mi je upućen ovih dana. Lakoća mržnje je zapravo najstrašnija u ovome što vidite. Mrze jedni, drugi, treći. Žele smrt, bolest, imaju surove ideje o tome šta se treba dogoditi onome koga… pic.twitter.com/AlauA8Q4Ht

— Sasa Magazinovic (@SasaMagazinovic) April 21, 2024

Këtë e ka bërë të ditur vetë deputeti Magazinoviq ditë më parë përmes një postimi në X.

“Po ndaj me ju disa nga përmbajtjet që më janë dërguar këto ditë… Ata duan vdekjen, sëmundjen, kanë ide mizore se çfarë duhet të ndodhë me atë që urrejnë. Në këtë rast të veçantë – unë. Njerëzit me të cilët ndajmë hapësirën tonë të jetesës, ecim pranë, pimë kafe, janë plot urrejtje dhe shkatërrim…”, shkruan ai, gjeras ka bashkëngjitur disa nga kërcënimet që ka marrë.

Bosnja në anën e Kosovës, deputeti Magazinoviq thotë se do të votojë pro anëtarësimit në Këshillin e Evropës.

Ai më tej thotë se fakti që ata përmes komenteve kanë kërcënuar nuk është garanci se gjërat do të përfundojnë me kaq.

Ndërkaq, mediat në Bosnjë kanë njoftuar se ndër personat që kanë shkruar në rrjetet sociale e që kanë kërcënuar deputetin Magazinoviq është edhe vajza e presidentit të Republika “Srpskas”, Millorad Dodik.

Ajo e ka quajtur tradhtar deputetin boshnjak, gjersa ka kërkuar që t’i ndalohet hyrja në Serbi.