Voton kryeministri Haradinaj dhe liderët tjerë

Kryeministri i Kosovës, Ramush Haradinaj, së bashku me bashkëshorten e tij Anita Haradinaj, kanë votuar në shkollën e mjekësisë “Ali Sokoli” në Prishtinë.

Haradinaj ftoi të gjithë qytetarët të dalin të votojnë dhe të mos i neglizhojnë këto zgjedhje, përcjell albinfo.ch.

“Mendoj se raundi i dytë i votimit është një moment po ashtu i rëndësishëm sa raundi parë. I ftoj qytetarët e vendit, gjitha komunave ku janë në balotazh në raund të dytë që të votojnë dhe me këtë vendim të tyre jetojnë katër vjet. Pra, rëndësia është jashtëzakonisht e madhe dhe dalja është shumë e rëndësishme”, tha Haradinaj.

Gjithashtu edhe kandidati i Vetëvendosjes për kryetar të Prishtinës, Shpend Ahmeti ka hedhur votën e tij në qendrën e votimit në shkollën “Faik Konica” në Prishtinë.

Ahmeti ka ftuar të gjithë qytetarët të dalin në një numër sa më të madh në “një ditë të bukur për demokracinë”.

Gjithashtu ka votuar edhe Albin Kurti, si dhe shumë kandidatë për kryetarë të komunave.