Vret bashkëshorten dhe vetëvritet

Pas tragjedisë familjare që u shkaktua me dy të vdekur gjatë së hënës në Nordschwaben të Gjermanisë, policia ka gjetur një letër lamtumirëse të kryerësit të dyshuar të veprës makabër.

Ajo është gjetur në dhomën e ditës të kosovarit dhe ka qenë e shkruar në gjuhën e tij amtare, bëjnë të ditur mediat gjermane, duke iu referuar një komunikate të policisë gjermane nga e mërkura.

Për shkak të hetimeve taktike, policia nuk ka bërë të ditur përmabjtjen e letrës. Kosovari 48-vjeçar e kishte varur veten mbrëmjen e së hënës në shtëpinë e tij në Burgau të rrethinës së Günzburg-ut.

Hetuesit policorë dyshojnë se ai ka vrarë ish bashkëshorten e tij 46-vjeçare nga Günzburg-u. Nëna e dy fëmijëve, nuk i mbijetoi plagët e marra nga të goditurat me thikë.

Këtë e ka dëshmuar obduksioni i kufomës. “Motivi dhe arsyet e tragjedisë mbeten ende të paqarta”, ka deklaruar një zëdhënës i policisë gjermane. Më tepër risi, hetuesit presin pas dëgjimit të fëmijëve.

Djaloshi 19-vjeçar i çiftit të ndarë, nënën e tij e kishte gjetur mbrëmjen e vonë të së hënës, të pajetë dhe të mbuluar me gjak, në një pjesë të bodrumit, të shtëpisë në një periferi të Günzburg-ut.  Çifti, i cili nga martesa ka dy djem, një kohë ta caktuar kishte jetuar i ndarë. Edhe para tragjedisë, policia kishte qenë e detyruar që të intervenojë shpeshëherë në këtë familje, për shkak të zënkave të shpeshta.