Vriten dy vëllezër, familja mbetet pa meshkuj

Sipas familjarëve, dyshimi është se vrasja lidhet me motive të hakmarrjes, kurse Policia e Kosovës ka arrestuar deri më tani katër persona

Një ngjarje e rëndë ka ndodhur në fshatin Kosuriq të Pejës, ku janë vrarë dy vëllezërit Berisha. Trupat e tyre janë gjetur në malet në afërsi të fshatit.

Arsim Berisha ishte 32 vjeç, ndërsa vëllai i tij Ramizi, 27 vjeç.

Mediat vendase bëjnë të ditur se vrasja është kryer me armë zjarri. Trupat e pajetë të dy personave janë dërguar për autopsi, ndërsa ende nuk dihen detaje tjera rreth rastit, raporton albinfo.ch.

Sipas familjarëve, dyshimi është se vrasja lidhet me motive të hakmarrjes, kurse Policia e Kosovës ka arrestuar deri më tani katër persona.

Raportohet se së njëjtës familje, 11 vite më parë i ishin vrarë edhe dy djem tjerë, kurse kryefamiljari ishte vrarë në vitet 90’-ta.