Kosova

Vritet aksidentalisht polici në Mitrovicë

E mërkurë, 16 Mars 2022 - 13:40 albinfo.ch
@policia e Kosoves

Raportohet se një polic është vrarë aksidentalisht këtë të mërkurë në Mitrovicë, gjatë një trajnimi për ricertifikim.

“Sot rreth orës 10:28, është raportuar se në poligonin e gjuajtës së Policisë në fshatin Cerrnushë të Mitrovicës, një polic është plagosur me armë derisa ai kishte qenë në gjuajtje me armë zjarri në kuadër të trajnimit të rregullt periodik (ri-certifikimi)”, thuhet në njoftimin e Policisë.

Po ashtu thuhet se polici ka vdekur në spital kur edhe po i jepej trajtimi mjekësor. 44-vjeçari shërbente në stacionin e Mitrovicës së Veriut.

Policia shton se rasti ka ndodhur aksidentalisht teksa po kryente ricertifikimin.

Me hetimet do të merret Inspektorati Policor i Kosovës.

 Të tjera nga Kosova

Sot u jepet lamtumira e fundit kosovarëve të tragjedisë në Vjenë

 E-Diaspora

 Jeta në Zvicër