Vuçiq: Derisa Kurti të jetë në krye, s’ka gjë nga dialogu në Bruksel

Edhe një herë presidenti i Serbisë, Aleksandar Vuçiq, ka deklaruar për media se “e ka shpallur” të dështuar procesin e dialogut. Dhe, sipas tij, fajtor për këtë është kryeministri i Kosovës, Albin Kurti, përcjell albinfo.ch.

Ai në një intervistë ka “kërkuar edhe ndihmë” nga shtetet perëndimore.

“Kërkoj nga fuqitë që e mbrojnë të na ndihmojnë, ta frenojnë e ta mbushin mend Albin Kurtin”, theksoi ai.

Sipas tij, nuk ka gjë as nga dialogu në Bruksel.

“Në Bruksel nuk ka dialog derisa të jetë Kurti, njeriu ka vendosur të mos dialogojë”.

Vuçiqi tha se është “i gatshëm të shkojë çdo herë për bisedime, por se sipas tij, nuk di për çfarë të flasë.

Ka folur edhe për kërkesën e Perëndimit që Serbia t’i vërë sanksione Rusisë.

Përsëriti se nuk do ta bëjë këtë.

Gjatë ditës së enjtes, për të disatën herë, kryeministri i Kosovës, Kurti, akuzoi Vuçiqin për dështim të takimit të planifikuar për 19 korrik. Kurti tha se Vuçiqi me qëllim edhe po e vonon krijimin e Qeverisë, në mënyrë që të mos i vërë sanksione Rusisë.

 

 

 

 

 

 

 

 

---