Kosova

Vuçiq e pranon se u takua me kryekriminelin Radoiçiq para sulmit të Banjskës

E martë, 6 Shkurt 2024 - 20:50 albinfo.ch

Presidenti i Serbisë, Aleksandër Vuçiq, ka pranuar për herë të parë se është takuar me organizatorin e sulmit në Banjskë të Kosovës, përpara se të ndodhte.

“Tri net me radhë kam pasur takim me ta. Aty ishin Radoiçiq, Simiq dhe 10 burra të tjerë”, u shpreh ai, duke tentuar t’i shfajësojë ata, me pretendimin se sulmi ndodhi nga pafuqia për të bërë diçka tjetër për të mbrojtur serbët.

Duke folur për një televizion në Beograd, Vuçiq tha se u kërkoi terroristëve që t’u besojnë amerikanëve dhe evropianëve për garancinë se nuk do të arrestohej njeri për barrikadat në veri të Kosovës.