Vuçiq në alarm: Kosova mund të anëtarësohet në OKB

Presidenti i Serbisë, Aleksandar Vuçiq, deklarli sot se nisma e radhës e bashkësisë ndërkombëtare mund të jetë përjashtimi i Federatës Ruse nga Kombet e Bashkuara, në mëmyrë që t’i mundësohet Kosovës anëtarësimi në OKB, transmeton Albinfo.ch.

“Ata planifikojnë të thërrasin një debat për përjashtimin e Rusisë nga OKB-ja, duke u bazuar në nenin 6 të Kartës së OKB-së. Pas kësaj do të ketë presion mbi Kinën për të ndryshuar Rezolutën 1244 dhe pas ndryshimit të Rezolutës 1244, nuk do të kemi bazë ligjore që të thirremi në të drejtën ndërkombëtare për të ruajtur integritetin tonë territorial, siç e kemi sot. Dhe, më pas do të pasojë njohja e pavarësisë së Kosovës nga ato shtete të NATO-s dhe BE-së që ende nuk e kanë bërë këtë”, tha Vuçiq pas mbledhjes urgjente të Asamblesë së Përgjithshme të OKB-së.