Vuçiq: Serbia do të bëjë çmos për vazhdimin e dialogut me Kosovën

Presidenti i Serbisë, Aleksandër Vuçiq, ka thënë se vendi i tij do të bëjë çmos për vazhdimin e dialogut me Kosovën, me qëllim të ruajtjes së paqes dhe stabilitetit në rajon.

Në takimin “Liderët për sigurinë e rajonit” në Beograd, ku mori pjesë edhe Sekretari i Përgjithshëm i NATO-s, Jens Stoltenberg, është biseduar për zhvillimin e raporteve Serbi-NATO.

Presidenti i Serbisë beson se kështu mund të vazhdohet me qëllimin e ruajtjes së paqes dhe stabilitetit në rajon.

Vuçiq po ashtu theksoi se është pajtuar me Stoltenbergun që në rast të ndonjë situate krize në Kosovë, të reagojnë shpejt, në mënyrë që ta parandalojnë ndonjë konflikt të mundshëm.