Xhaka, më afër klubit të madh italian

Mesfushori shqiptar, Granit Xhaka duket se do t’i bashkohet skuadrës së madhe italiane

Granit Xhaka vazhdon të jetë në qendër të vëmendjes. Pas gjestit ndaj tifozëve të Arsenalit, tashmë futbollisti shqiptar është shumë i përfolur për një largim nga skuadra londineze, pasi nuk ka të ardhme, shkruan albinfo.ch.

Ai nuk ka qenë i grumbulluar në ndeshjet e fundit të Arsenalit, kurse po lidhet me një kalim në Milan.

Mediat zvicerane raportojnë se Xhaka është duke kërkuar edhe shtëpi në Milano, sepse kalimi te skuadra kuqezi është i sigurt.

Xhaka pritet të kalojë në Milan në formë huazimi me të drejtë blerje për 20 milionë euro gjatë verës.

Ndërkohë, mesfushori shqiptar është grumbulluar me Zvicrën për ndeshjet e muajit nëntor.

---