Xhaka, në mesin e më të mirëve në Bundesligë

(KEYSTONE/DPA/Henning Kaiser)

Sipas votave të publikut, Granit Xhaka është në mesin e lojtarëve më të mirë të edicionit aktual në Bundesligë.

Faqja zyrtare e Bundesligës gjermane ka hapur votim për 11-shen më të mirë të stinorit vjeshtor, përkatësisht pas 16 ndeshjeve të luajtura, e Xhaka nuk ka munguar në formacion.

Përveç Xhakës, në 11-shen më të mirë të pjesës së parë të edicionit janë edhe portieri Gregor Kobel, mbrojtësit Jeremie Frimpong, Mats Hummels, Kim Min-Jae e Alejandro Grimaldo.

Në mesfushë përkrah Xhakës janë bashkëlojtari i tij, Florian Wirtz dhe Xavi Simons, ndërsa më së shumti vota në fazën e sulmit patën Leroy Sane, Harry Kane dhe Serhou Guirassy.

Xhaka ka zhvilluar 16 ndeshje të Bundesligës, ndërsa ka vrapuar më shumë se çdo lojtar tjetër i elitës gjermane, gjithsej 189.7 kilometra.

Ai pati po ashtu më së shumti prekje të topit, 1767 gjithsej, ndërsa pasimet i kishte me saktësi prej 93%./Koha.net