Xhaka në pushime me gruan e tij

Futbollisti shqiptar, Granit Xhaka para fillimit të përgatitjeve për ndeshjet e Kampionatit Botëror, ka zgjedhur që të relaksohet për disa ditë në një vend luksoz.

Xhaka dhe bashkëshortja e tij Leonita, kanë nisur pushimet në Marrakech të Marokos, një destinacion mahnitës në Afrikën Veriore, përcjell albinfo.ch.

Në rrjetin social Instagram, Graniti dhe Leonita kanë publikuar fotografi të reja nga pushimet, duke treguar kështu se po ia kalojnë shumë këto ditë.

Xhaka pasi përfundoi sezonin me Arsenalin njoftoi në rrjetet sociale se, fillimisht do të shkojë në pushime, dhe më pas në Kampionatin Botëror.

Zvicra ndodhet në një grup të vështirë me Brazilin, Serbinë dhe Kosta Rikën.