Xhaka tregon besnikërinë ndaj Baselit të Arbnorës

Mesfushori shqiptar ka thënë se nuk mendohet të largohet nga Baseli

Taulant Xhaka është një nga shtyllat e Baselit në vitet e fundit. Një futbollist luftarak në fushë, që gjithashtu ka luajtur disa role, madje edhe si qendërmbrojtës, apo edhe mbrojtës i djathtë.

Në një intervistë për ‘Blick’, ai ka thënë se nuk mendon të largohet të Baseli asnjëherë, duke i shprehur besnikërinë, përcjell albinfo.ch.

Megjithatë, dashuria e tij më e madhe është e fejuara, Arbnora. Ai është gjunjëzuar vetëm një herë, kur i propozoi për martesë.

Edhe pse mori përgjigje pozitive, ai bëri një gabim. “Unë e kam hapur kutinë e unazave gabimisht dhe kjo është arsyeja pse fotografia duket sikur unë po ia drejtoj atë vetes”, është shprehur Xhaka, duke qeshur.

“Arbnora është dashuria e jetës sime”. Se kur do të bëhet martesa, megjithatë, Xhaka ende nuk e di: “Spontanisht, sa më shpejt. Mjafton të kem disa ditë të lira, në cilëndo kohë”, shprehet tutje mesfushori kuqezi.

---