Xhaka, i treti për pasime në Premier Ligë

Granit Xhaka, mesfushori i Arsenalit, është i pari në këtë skuadër për pasime deri tash.

Futbollisti shqiptar që ka luajtur në të gjitha ndeshjet e deritashme, ka kompletuar 2168 pasime, sipas statistikave të ofruara nga Premier Liga.

Ai është i treti në listën e përgjithshme të të gjithë lojtarëve në Premier Ligë këtë sezon, pas Nicolas Otamendit dhe Fernandinhos të Manchester Cityt që kanë kompletuar 2269, përkatësisht 2201 pasime, transmeton Albinfo.ch.

Xhaka është lojtari i dytë për më së shumti prekje të topit. Ai ka pasur 2547 prekje, vetëm 17 më pak se Otamendi që i prin listës.

Sa i përket ndërhyrjeve të palejuara, Xhaka është i katërti me 42, por ai ka marrë vetëm pesë kartonë të verdhë dhe asnjë të kuq, që tregon përmirësimin e tij në këtë aspekt.