Xhudistet që i sollën Kosovës pesë medalje të reja

Ministri i Kulturës, Rinisë dhe Sportit, Hajrullah Çeku, priti në takim xhudistet që i sollën Kosovës pesë medalje të reja, përcjell albinfo.ch.

Distria dhe Laura u kthyen me medalje nga Upper Grand Prix në Austri, ndërsa Enise, Blerina dhe Laurina shkëlqyen në Kupën Evropiane për Kadete në Turqi.

“Jam i gëzuar që, përveç kampioneve të dëshmuara, po shohim një brez të ri të xhudisteve plot potencial, që po e forcojnë edhe më shumë traditën tonë të suksesit. Xhudistet dhe trajnerët, Majlinda Kelmendi e Blenard Begu, i urova për këto suksese. Kosova, shtet i xhudos”, ka shkruar ai në profilin e tij.