Zaev jep afat shtesë për plotësimin e vendeve vakante në qeveri  

Deri në fund të muajit partnerët do të duhet të pajtohen për emrat e Ministri të Shëndetësisë, Ministri pa resorë për Investime të Huaja dhe zëvendësministrit të Arsimit

Kreu i qeverisë së Maqedonisë, Zoran Zajev ka dhënë edhe një afat shtesë për ratifikimin e qeverisë që e udhëheq. Ai kërkoi që të intensifikohen takimet e partnerëve të koalicionit me qëllim plotësimin e vendeve vakante që u krijuan pas zgjedhjeve lokale. Deri në fund të muajit partnerët do të duhet të pajtohen për emrat e Ministri të Shëndetësisë, Ministri pa resorë për Investime të Huaja dhe zëvendësministrit të Arsimit.

“Ende nuk kemi vendosur për Ministrin e Shëndetësisë. Bëhet fjalë për një resor shumë të rëndësishëm, unë kam thënë që deri në fund të muajit presim që ti zgjidhim këto çështje. Po bisedojmë intensivisht. Unë mbrëmë e kam shfrytëzuar momentin që të bisedoj edhe me Ziadin Selën por edhe me zotëri Ahmetin dhe me të gjithë partnerët e koalicionit.

Sot përsëri kisha takime… secilin moment po e shfrytëzojmë që ditë më parë ta zgjidhim këtë çështje pra ta zgjedhim çështjen e ministrisë së shëndetësisë dhe të plotësojmë ministritë e tjera, ka thënë kryeministri.